11:02 Юнкӑри культура çуртĕнче «Илемлĕ, илемлĕ чӑваш юрри» калаçу иртрĕ. | |
Чӑваш енне çĕр-пин юрӑ çĕршывĕ теççĕ.Чӑнах та,чӑвашсем илемлĕ юра-кĕвĕпе пуян. Юрӑсенече халӑхӑн ĕçĕ-хĕлĕ, ĕмĕчĕ-шухӑшĕ, савӑнӑçĕ, хуйхи-суйхи тата вӑййи-кулли шӑрçаланать. Ахальтен мар, «Юрӑ пур та, пурнӑç пур»- теççĕ чӑвашсем. Пирĕн, чӑвашсен, тӑван халӑхӑн культурине, йӑла-йĕркине, сӑвви-юррине, ташши-кĕввине аталантармалла. Ачасене мĕн пĕчĕкренех вĕрентсе пымалла.Чӑваш тени чӑвашлӑхпа пуян пултӑр, илемлĕ юрӑсем юрласа мӑнаçланма пĕлтĕр. Йӑхран- йӑха куçарса пытӑр. Ҫакӑн çинчен паян ачасемпе Юнкӑри культура çуртĕнче «Илемлĕ, илемлĕ чӑваш юрри» калаçу иртрĕ . Меркурий Борисович калаçу пынӑ майĕн ачасене купӑспа илемлĕ кĕвĕ каласа итлеттерчĕ, юрӑсем юрларĕç. Ыйтусем çине хурав памалли те тупӑнчĕ. Ачасем тĕрлĕрен чӑваш юррисене пелни , чӑннипех, савӑнтарчĕ. Илемлĕ, илемлĕ чӑваш юрри Юрлама пĕлсен кӑна… Ҫак илеме пĕтме парас марччĕ! | |
|
| |
| Всего комментариев: 0 | |