13:38 Калайкас ял уявĕ | |
Калайкассем çурла уйăхĕн 13-мĕшĕнче Ял уявне ирттерчĕç. Шкул умĕнчи кану паркне халăх йышлăн пухăнчĕ. Мазуркинсем хăйсен ал ĕçсен куравне йĕркеленĕ. Кунта йывăçран касса ăсталанă тĕрлĕ япалана курма май пулчĕ – кусем Петр Яковлевич ĕçĕсем. Зинаида Васильевна вара тĕрлĕ тум çĕлесе илемлетнĕ, хушпу-тухья ăсталанă, тутăр-саппун тĕрленĕ. Яштак пÿллĕ хурăнсем айне сĕтелсем лартса тухнă. Унта хăнасене тĕрлĕ апат-çимĕçпе сăйлаççĕ. Техĕмлĕ какай шÿрпи пăсланса ларать. Ăна пĕçерекенĕ Галина Сивкова. Ял çыннисем те пушă алăпа килмен: кашниех кукăль-пÿремеч пĕçерсе, сăра вĕретсе килнĕ. Çамрăксем тĕрлĕ вăйă выляса вăй виçрĕç: чи маттуррисене палăртрĕç. Калайкассинчи «Ентеш», Шатракассинчи «Мерчен», Катькасри «Çăлкуç» пултарулăх ушкăнĕсем вара уява илем кĕртрĕç, хăйсен юрри-ташшипе халăха савăнтарчĕç. | |
|
Всего комментариев: 0 | |